21 dekabr tarixində baş ofisimizdə il sonu görüşümüzü sevimli ambassadorlarımızla birlikdə keçirdik. Bu görüş həm ötən ilin yekunlarını paylaşmaq, həm də qarşıdan gələn ilin planlarını müzakirə etmək baxımından çox dəyərli oldu.

Tədbir zamanı gələcək kampaniyalar və ideyalarımız barədə danışdıq, ambassadorlarımızın dəyərli fikirlərini dinlədik. Yeni qoşulan ambassadorlara təşəkkürnamə və hədiyyə qutuları təqdim olundu. Bu, onların dəstəyinə olan minnətdarlığımızın kiçik, lakin səmimi bir ifadəsi idi.

Görüş boyu səmimi söhbətlər, pozitiv enerji və ortaq həyəcan hissi ilə dolu anlar yaşandı. Ambassadorlarımız bu anları öz Instagram hekayələrində paylaşaraq tədbirin ruhunu daha da yaydılar.

Yeni ildə birlikdə daha böyük uğurlara imza atacağımıza inanırıq!